MINDFULNESS EN EDUCACIÓN FÍSICA

SARRERA. Buruaren entrenamendua arreta lantzeko
Hezkuntza prozesua arras konplexua da, alde batetik irakaskuntza prozesua eta bestetik ikaste prozesua batzen dituena. Bi norabideetan pertsonaren izate osoa dago inplikatua: alderdi kognitiboa, sentsazioak, emozioak, ingurua, motibazioa... guztiak du parte-hartzea hezkuntzaren jardunean.

Bada zerbait ezinbestekoa dena bi bazterretan hezkuntzaren hartu emana gauzatzeko: lasaitasuna eta arreta.

Lasai dagoen buruak, estresik ez duen buruak, hobeto irakasten eta ikasten du.
Arreta da behar dugun erreminta buruaren dispertsioa eta distrakzioa moztu eta orainean erabat kokatzeko. Arreta ezinbestekoa da norberaren buruak lasaitasuna eta argitasuna izan dezan modu egokian irakasteko eta ikasteko.
Beraz, lasaitasun eta arreta ikasleek eta irakasleek behar dute beraien arteko harremanak fruitu emankorrak lor ditzan eta hezkuntza prozesua eraginkorra izan dadin.

Paradoxikoa dena da, lasaitasun eta arreta falta gaur egungo gizartearen eta hezkuntzaren seinale bihurtu direla. Hezkuntzak aurkezten dizkigun arazo eta erronkak gizartearen isla dira sarritan; azken finean haur eta gazteek nabarmen egiten dute gizarteak bizi dituen gabeziak eta arazoak.

Gizarte osoa gaude estresaren gaitzak jota eta arreta galduta: bizitza erritmo azkarrean doa eta hala dabiltza sarritan gure buruak, jarduera etengabe batean, orainetik kanpo, mila gauzetan gaude baina gauza bakar batean kontzentratzea gero eta zailago da. Bizi moduaren exijentziak, teknologia
berrien erabilerak, multi-tarea edo lan anitza nola zabaldu den, guztiak du eragina gure buruaren egoeran.

Hezkuntzak arretaren gabezia hau erabat jasotzen du eta muturreko kasuetara joan gabe, Arreta Falta eta Hiperaktibitate arazoarekin diagnostikatuta dauden ikasleez gain, arreta eta kontzentrazio arazoak eguneroko zailtasuna dira ikasle eta irakasleen artean. Irakaskuntza estres maila handia jasaten duen lanbidea da eta arreta falta ikasleen artean gero eta zabalduago dagoen joera. Hezkuntza ikasgeletan baretasun, sosegu eske dabil, bai irakasleentzat, baita ikasleentzat ere.

Mendebaldeko gizartearen gaitz handienak, eta hezkuntzak islatzen dituenak, momentu honetan gaitz mentalak dira: estresa, antsietatea, depresioa, agresibitatea, jokaera konpultsiboak... Arazo hauek maiz norberaren barne errealitatea alde batera ustetik datoz. Gure kulturan kanporantz begira gaude, geugan gertatzen den horri itsu, eta barne munduaren analfabeto bihurtu gara: arreta, burua, emozioak, ez ditugu ezagutzen.
Gaitz hauei erantzun pragmatiko bat bilatzeko ahaleginean zientzia frogatzen ari da ekialdeko jakiturian oinarria duten praktikak baliagarriak eta eraginkorrak izan daitezkeela. Testuinguru horretan kokatzen da Mindfulness.

MINDFULNESS
Mindfulness, arreta osoa, ingeleseko hitza erabiltzen da orainean gertatzen denaz jabetzeko ahalmena, epairik gabe eta onarpen jarrera batekin izendatzeko. Mindfulness entrenamendu mentala da, barne eta kanpo bizipenak orainean bizitzen erakusten duena. Mindfulness praktikak pertsonaren barne errealitatea kontutan hartzen du eta introspekzio
lana egitera laguntzen du norberaren ezagutzan sakontzeko. Norberaren pentsamendu, sentsazio eta emozioez ohartzen irakasten digu.
Printzipioz, pertsona orok dugun ahalmena da: guztiok dugu momentuan gertatzen denaz jabetzeko aukera eta gaitasuna baina gero eta konplikatuagoa gertatzen da. Sarritan, gure mentea gehiago dago lehen aldian bizitako gertaeratara zuzendua, depresiorako joera sortuko du, edo etorkizunera begira, antsietatera zuzenduko gaituena, eta Mindfulnessek proposatzen duena da arreta lantzea orain eta hemen erabat izateko.

Mindfulness-aren jatorria Budismoan kokatzen da, baina mendebaldeko zientziak Budismoaren praktika hauek bere egin ditu, kontextu espiritual eta erlijioso guztia kenduz gure gizartera moldatzeko, meditazioak eskaintzen dituen onura mediku eta psikologikoei etekina ateratzeko. Esan dezakegu ekialde idealista eta mendebalde posibilistaren arteko mestizajea dela Mindfulness.

Mindfulness praktikak dituen eraginak zientzia gertutik dabil ikertzen eta agerikoa da arretaren entrenamendu hau norberaren ongi izaterako eta emozioen bizipen positiborako bide bat dela.

Mindfulness erabilera hiru esparrutara bideratzen dira:
1.- Ongizatea: estresaren murriztea.
2.- Trebezia pertsonalak indartu: arreta, jarrera, komunikazioa, erregulazio emozionala
3.- Presentzia, orainean bizitzea, eta pertsonen arteko harremana. Enpatia, konfidantza, erabaki hartzea

EGITURA ETA DENBORALIZAZIOA
Irakasleekin: 8 saio 2 ordutakoak

Teknika hauek irakasleentzat bi zentzutan landu nahi dira.
• maila pertsonalean:
Irakaslearen mentea lasaitu eta arreta lantzeko.
Autoezagutza bide moduan.
Eguneroko gatazka eta egoeren analisia Mindfulness ikuspegitik.
• ikasgelan erabiltzeko tresna moduan:
Ikasleen arreta lortzeko
Gelako giroa lasaitzeko
Isiltasun guneak lortzeko
Gelako egunerokotasuna Mindfulness jarrerarekin bizitzeko

HELBURUAK
• Arreta maila handitzea: lasaitzen eta erlaxatzen ikastea.
• Alderdi kognitiboak hobetzea: kontzentratzeko gaitasuna, hausnarketa, oroimena.
• Jarreraren autorregulazioa hobetzea.
• Estres eta antsietate egoeratan emozioak kudeatzeko baliabideak eskuratzea.
• Trebezia sozialak garatzea: enpatia, entzute aktiboa.

EDUKIAK
Ikastaroak eskainiko duena:
• Mindfulness meditazioaren oinarriak ikasi: norberarentzat eta ikasleekin erabiltzeko.
• Arreta, kontzentrazioa eta orainean bizitzeko gaitasuna landu.
• Mentea lasaitzen eta erlaxatzen ikasi.
• Nola lan egin norberaren pentsamenduekin.
• Emozio zailak kudeatzeko teknikak.
• Egoera mental baikorrak lantzen dituzten praktikak: esker ona, adeitasuna, adiskidetasuna.
• Estres egoerak kudeatzeko moduak.
• Barne lekukoa indartu eta landu.

EBALUAZIOA
Asistentzia eta parte-hartzaileen ikasleei zuzendutako proposamen didaktiko bat prestatzea.

Lugar: Berritzegune de Lasarteko
Fecha: 11, 18, 25 y 30 de octubre y 8, 15, 22 y 29 de noviembre
Horario: Un lunes y 7 miercoles de 5 a 7 de la tarde
Duración: 20
Plazas: 25
Inscripciones: hasta el 4 de octubre