NAGUSIA

Ekintza bilaketa | Emaitzak | Xehetasuna

Ekintza bilaketa. Emaitzak. Xehetasuna

Ikaskuntza kooperatiboa Gorputz Heziketan

Gorputz Heziketan, beste arloekin konparatuz, ikaskuntza kooperatiboa nahiko metodologia berria dela esan daiteke. Hala ere, azken urteetan eremu honen inguruan egindako ikerketek gorakada handia izan dute eta honi esker beste egitura lehiakor edo indibidualistaren aurrean bere nagusitasuna erakutsi du. Abantaila hauek ez dira soilik eremu motorrean ematen, baita psikologikoan, afektiboan edota sozialean ere.

HELBURUAK:
- Gorputz Hezkuntzari bideraturiko ikaskuntza kooperatiboaren oinarri teorikoak ezagutzea.
- Jolas kooperatiboen ezaugarriak eta praktikara eramateko estrategiak eta prozedurak barneratzea.
- Ikaskuntza kooperatiboaren zikloa ulertzea, bere hiru faseak identifikatzea eta jarduera desberdinen bitartez praktikara eramatea.
- Gorputz hezkuntzari bideraturiko ikaskuntza kooperatiboan aplikatu daitekeen ebaluazio prozesua ezagutzea eta ebaluazio tresna desberdinen berri izatea.

EDUKIAK:
- Ikaskuntza kooperatiboa Gorputz Hezkuntzan: ikaskuntza egiturak, osagaiak, zailtasunak, teknikak eta inplementazio ereduak.
- Jarduera kooperatiboak: jolas eta erronka kooperatiboak.
- Ikaskuntza kooperatiboaren zikloa: ezaugarriak, 1. fasea: talde kohesioa , 2. fasea: IK eduki bezala eta 3. fasea: IK baliabide bezala.
- Ebaluazioa ikaskuntza kooperatiboan.

METODOLOGIA:
Metodologia aktiboa erabiliko da, non partehartzaileak irakaskuntza-ikaskuntza prozesuaren protagonistak izango diren. Formakuntza teoriko-praktikoa izan arren jarduera praktikoek izango dute presentzia handiagoa.
Saioak bi zatitan banatuko dira: lehenengo zatian gelan hainbat eduki teoriko jorratuko dira eta bigarren zatian aurretik aztertutako edukiak gimnasioan praktikara eramango dira, beti teoria eta praktikarekin uztartuz. IKT baliabideak ere erabiliko dira eta partehartzaileen gogoeta eta haien arteko kooperazioa sustatuko da.

EBALUAZIOA: Asistentzia ezinbestekoa da eta Ikastaroaren amaieran proposamen didaktiko bat landuko da ikasitakoa aplikatzeko eta GH irakasleen webgunean partekatzeko.

Data: Urriaren 21, 22, 28 eta 29a
Ordutegia: arratsaldeko 5etatik 8etara
Tokia: Uribarri BHI. Basauri (Bizkaia)
Plazak: 25 GH irakasleak
Izen emateko epea: urriaren 13a arte

Erreferentzia:  1970BGNC18
Ikasturtea:  2019-2020
Aholkularitza:  Arloko Aholkulariak
Ildo / Programa:  300. Competencias básicas
Emalea:  Jon Ortuondo Barcenas
Nori zuzendua:  Gorputz Heziketako irakasleak
Hasiera:  Urria  21/10/2019
Orduak:  20

Itzuli

© Berritzeguneak Bilbo · Tolosa kalea 6 48002 · Tel: 946569690    Legezko-oharra

Eusko Jaurlaritza · Gobierno Vasco