Helburu orokorrak:
I. Euskal Autonomia Erkidegoko herri administrazioko langileei haurren eta nerabeen aurkako sexu abusuei buruzko oinarrizko prestakuntza eskaintzea, sentsibilizazio eta kontzientzia hartze masiboa sustatuz.
II. Euskal Autonomia Erkidegoko herri administrazioko langileak haurren eta nerabeen aurkako abusuak detektatzen eta biktimak artatzen trabatzea.
Helburu zehatzak:
● Haurren eta nerabeen aurkako sexu abusuaren arazorako hurbilpena egitea: definizioa, mitoak argitzea, erasotzailearen eta biktimaren profila, prebalentzia datuak.
● Haurren eta nerabeen aurkako sexu abusuen salaketa bat dagoenean hasten den prozesu judiziala ezagutzea: arlo zibileko eta zigor arloko epaitegia, kasuen egungo egoera, salaketa kopurua, birbiktimizazioa.
● Sexu abusuak pairatzen dituzten umeen eta nerabeen adierazle fisikoetan eta jarrerazkoetan akontzea, horrelakoak antzeman eta prebenitzeko prestakuntza ematea helburu izanik.
● Profesionalak haurren eta nerabeen aurkako sexu abusuen aurrean nola jokatu behar duen lantzea, umeari zein nerabeari eman beharreko arreta eta ingurune hurbilari eskaini behar zaion arreta komunikatibo eta kolaboratiboa.
● Umeen eta nerabeen aurkako sexu abusuen aurrean jarduteko gaur egun indarrean dauden protokoloak aztertzea eta gogoeta kritikoa egitea.
Gaitasunak:
1. Haurren eta nerabeen aurkako sexu-abusuen jatorri, kontzeptu esparru, erasotzaile eta biktimaren profila, prebalentzia datuak eta ondorioen gaineko oinarrizko ezagutzak eskuratzea.
2. Haurren eta nerabeen aurkako sexu-abusua salatuz gero abiatzen den prozedura judizialaren ibilbidea zein den ezagutzea.
3. Birbiktimizazioaren kontzeptua barnebiltzea eta hura ekiditeko tresnak bereizteko gai izatea.
3. Sexu-abusuen biktimen adierazle fisikoak eta jarrerazkoak detektatzeko gai izatea.
4. Sexu-abusuen biktimak artatzeko tresnak eta baliabideak ondo kudeatzeko gai izatea.
Programa eta ebaluazioa
Metodologia:
Ikastaroaren eduki teorikoa lau modulutan antolatuko da. Modulu bakoitzak honako elementu hauek ditu:
Eduki teorikoa: Haurren aurkako sexu abusuen esparru teorikoa biltzen duen euskarri didaktikoa, arazoari buruzko azterlanen irakurketa bibliografikoarekin.
Dokumentazioa: Unitate didaktiko bakoitzak bibliografia bat du, bai eta erreferentziako gaiei buruz sakontzeko egokitzat jo diren baliabide guztien aipamena ere (artikuluak, bideoak, albisteak, etab.).
Parte hartzeko foroa: Foro bat sortuko da modulu bakoitzean. Foroari esker, taldeko gogoetaz gain, fitxategiak elkarri trukatzeko aukera ere egongo da.
Galdetegia: Eskuratutako ezagutzak balioztatzeko, ikastaroko unitate didaktiko bakoitza amaitutakoan, gaiari buruzko ezagutzak neurtzeko galdetegi bat egin beharko dute ikasleek.
Azken lana. Azken lan bat egingo dute (800-1.000 hitz artekoa) prestakuntzaren egiaztagiria eskuratu ahal izateko. Ikastaroak eskaintzen dituen jarduerak praktikoak eta landutako edukietan
oinarritutakoak dira. Eskaintzen diren jarduerak hezitzaile baten eguneroko lanarekin lotura zuzena izateko diseinatuta daude.
Programa:
EGITURA
SARRERA: irakasleen agurra eta azalpena (bideoa eta dokumentua)
MODULU I: HAURREN ETA NERABEEN AURKAKO SEXU ABUSUEI BURUZKO HASTAPENAK.
KONTZEPTU ESPARRUA ETA DATU ANALISIA
MODULU II: BIKTIMA ERAKARTZEKO ETA SEXU-ABUSURA EGOKITZEKO PROZESUAK
MODULU III: DETEKZIO GOIZTIARRA ETA ONDORIOEN PREBENTZIOA
MODULU IV: HAURREN ETA NERABEEN KONTRAKO SEXU ABUSUEN AURREAN, INSTITUZIOEN ETA
BOTERE JUDIZIALAREN ERANTZUNA
GAI-MULTZO NAGUSIAK
Modulu I: Haurren eta nerabeen aurkako sexu abusuei buruzko hastapenak. Kontzeptu esparrua eta datu analisia
Umeen aurkako sexu abusuen arazoaren kontzeptu nagusiak ezagutzea eta lantzea.
Bibliografian gaur egun bildutako prebalentzia datuak aztertzea.
Haurren eskubideen ibilbide historikoa ezagutzea.
Umeen aurkako sexu abusuen egoera aztertzea, antzinarotik gaur egun arte.
Modulu II: Biktima erakartzeko eta sexu-abusura egokitzeko prozesuak
Biktima eta erasotzaileei buruzko bibliografiaren datuak ezagutzea.
Erasotzaileak biktima erakartzeko eta limurtzeko erabiltzen duen prozesua ezagutzea.
Abusuaren berri ematen digun biktimarekin segitu beharreko jarraibideak ezagutzea.
Sexu abusuak pairatu dituzten umeekin, profesional gisa, zer egin behar den eta zer ez zagutzea.
Modulu III: Detekzio goiztiarra eta ondorioen prebentzioa
Prebentzio programak gauzatzeko irizpideen hastapenak.
Antzematea ahalbidetzen duten baliabideak ematea.
Jakinarazpen indizeak ezagutzea.
Haurren sexualitateari buruzko mitoak argitzea.
Adierazle nagusiak eta horien absentzia ezagutzea.
Umeen aurkako sexu abusuen epe labur eta luzeko ondorio fisikoak eta psikologikoak ezagutzea.
Ama babesleen egoerari eta emozioei buruz eta hauek biktimak pairatu ditzakeen ondorioetan duen eraginari buruz gogoeta egitea.
Intzestu kasuetako ama babesleekiko enpatia lantzea.
Modulua IV: Haurren kontrako Sexu Abusuen aurreko egoera instituzional eta judiziala
Umeen aurkako sexu abusuen oraingo egoera juridiko eta instituzionala ezagutzea.
Haurren kontrako sexu abusuen biktimek dituzten Haurren Eskubideen Konbentziotik eratorritako
eskubideak ezagutzea.
Ebaluazioa:
Ikastaroa lau moduluk eta Amaierako Lanak osatzen dute.
Gai bakoitza hamar aukerako galdetegi batekin ebaluatuko da. Ikasleak aukera zuzena hautatu beharko du. Galdetegia gainditzeko, gutxienez galderen % 80a zuzen erantzun beharko da. Horretarako, hamar aukera izango dituzte ikasleek. Lau galdetegiak gainditzea derrigorrezkoa izango da amaierako lana aurkeztu ahal izateko, eta, beraz, ikastaroa gainditzeko.
Galdetegiek ikastaro azken kalifikazioaren % 50a balio dute. Amaierako lanak azken kalifikazioaren beste % 50a balio du.
Amaierako lana: irakasleek hiru ariketa-proposamen aurkeztuko dituzte eta horietatik bat aukeratu beharko du ikasleak, aurkeztu eta ikastaroa gainditzeko. Azken ataza horrek, gutxienez, 800 hitz izan beharko ditu, eta gehienez 1000 (12ko letra tamaina eta 1,5eko lerroartea. Kalifikazio errubrika ikasleei ataza egin baino lehen bidaliko zaie.
Ondorengo betekizun hauek hartuko dira kontuan ebaluatzeko orduan:
1) Erantzunak argudiatzeko, ikastaroan eskainitako eduki teorikoan oinarritzea.
2) Garrantzitsua da eduki teorikoak norberaren gogoetekin eta ideiekin osatzea.
Galdetegien eta Amaierako Lanaren behin betiko nota GAI/EZ GAI izango da,
ikaslearentzat. IVAPek ikasle bakoitzaren kalifikazioa 0tik 10era bitarteko zenbaki batekin jasoko du.
Ikastaroaren balorazioa:
-UPV/EHUren galdetegia
-IVAPen galdetegia
Datak: 2021eko martxoak 15- maiatzak 10
Materiala: Ikastaroak, moduluka, euskarri didaktikoak, galdetegiak, foroak eta atazak barnebiltzen ditu
Iraupena: 30 ordu, 6 aste
Azpiegitura: UPV/EHUko egelapi plataforma
Matrikula epea: : ikasleek izena emateko azken eguna, otsailak 1. Solaskideen oniritziak jasotzeko, otsailaren 2tik 5era
Lehentasuna: Hezkuntza, Justizia, Gizarte Zerbitzuak, Segurtasuna eta Osasuna
Ikasle kopurua: 500
Irakasleak: Maitane Urizar Elorza, Nahia Idoiaga Mondragon, Maitane de Belasco Txertudi, Maitane Garcia Herce, Amaia Arbeloa Miranda, Estrella Gomez Viñas, Garazi Alonso Lopez, Amaia Eiguren Munitis, Sandra Brizuela Rodriguez.
Erreferentzia: | 2070BGNC40 |
Ikasturtea: | 2020-2021 |
Aholkularitza: | Programa eta Proiektuen Arduradunak |
Ildo / Programa: | 900. Otras |
Emalea: | Maitane Urizar Elorza, Nahia Idoiaga Mondragon, Maitane de Belasco Txertudi, Maitane Garcia Herce, Amaia Arbeloa Miranda, Estrella Gomez Viñas, Garazi Alonso Lopez, Amaia Eiguren Munitis, Sandra Brizuela Rodriguez. |
Nori zuzendua: | |
Hasiera: | Martxoa 15/03/2021 |
Orduak: | 30 |