NAGUSIA

Ekintza bilaketa | Emaitzak | Xehetasuna

Ekintza bilaketa. Emaitzak. Xehetasuna

IKASKUNTZA KOOPERATIBOA HEZIKETA FISIKOAN

Planteamendu kooperatiboa Heziketa Fisikoko saioetan inplementatzea ez da lan erraza. Alde batetik, arloak izan duen tradizio lehiakorrak gure ikasleen ohituretan eragina izan du eta hori aldatu beharra dago, eta bestetik, irakasleok formakuntza egonkorra eta baliabide didaktikoak faltan bota izan ditugu.

HELBURUAK:
- Gorputz Hezkuntzari bideraturiko ikaskuntza kooperatiboaren oinarri teorikoak ezagutzea.
- Jolas kooperatiboen ezaugarriak eta praktikara eramateko estrategiak eta prozedurak barneratzea.
- Ikaskuntza kooperatiboaren zikloa ulertzea, bere hiru faseak identifikatzea eta jarduera desberdinen bitartez praktikara eramatea.
- Gorputz hezkuntzari bideraturiko ikaskuntza kooperatiboan aplikatu daitekeen ebaluazio prozesua ezagutzea eta ebaluazio tresna desberdinen berri izatea.

EDUKIAK:
- Ikaskuntza kooperatiboa Gorputz Hezkuntzan: ikaskuntza egiturak, osagaiak, zailtasunak, teknikak eta inplementazio ereduak.
- Jarduera kooperatiboak: jolas eta erronka kooperatiboak.
- Ikaskuntza kooperatiboaren zikloa: ezaugarriak, 1. fasea: talde kohesioa , 2. fasea: IK eduki bezala eta 3. fasea: IK baliabide bezala.
- Ebaluazioa ikaskuntza kooperatiboan.

METODOLOGIA:
Metodologia aktiboa erabiliko da, non partehartzaileak irakaskuntza-ikaskuntza prozesuaren protagonistak izango diren. Formakuntza teoriko-praktikoa izan arren jarduera praktikoek izango dute presentzia handiagoa.
Saioak bi zatitan banatuko dira: lehenengo zatian gelan hainbat eduki teoriko jorratuko dira eta bigarren zatian aurretik aztertutako edukiak gimnasioan praktikara eramango dira, beti teoria eta praktikarekin uztartuz. IKT baliabideak ere erabiliko dira eta partehartzaileen gogoeta eta haien arteko kooperazioa sustatuko da.


EBALUAZIOA: Asistentzia ezinbestekoa da eta Ikastaroaren amaieran proposamen didaktiko bat landuko da ikasitakoa aplikatzeko eta GH irakasleen webgunean partekatzeko.

Data: apirilaren 25, 27a, maiatzaren 2 eta 3a
Ordutegia: arratsaldeko 5etatik 8etara
Tokia: Durangoko Fray Juan de Zumarraga BHI
Plazak: 25 GH irakasleak
Izen emateko epea: apirilaren 20a arte
Lana entregatzeko epea: maiatzaren 31ra arte

Erreferentzia:  2170BGNC73
Ikasturtea:  2021-2022
Aholkularitza:  Arloko Aholkulariak
Ildo / Programa:  300. Competencias básicas
Emalea:  Jon Ortuondo Bárcena
Nori zuzendua:  HF irakasleak
Hasiera:  Apirila  25/04/2022
Orduak:  20

Itzuli

© Berritzeguneak Bilbo · Ondarroa 2 eta 14 Behea 48004 · Tel: 944288150    Legezko-oharra

Eusko Jaurlaritza · Gobierno Vasco