NAGUSIA

Ekintza bilaketa | Emaitzak | Xehetasuna

Ekintza bilaketa. Emaitzak. Xehetasuna

STEAM HEZKUNTZARAKO ESERO PROIEKTUA (EUROPEAN SPACE EDUCATION RESOURCE OFFICE)

HELBURUAK
1. Irakasleak motibatzea eta gaitzea, Zientziari, Teknologiari, Ingeniaritzari eta Matematikari (STEM diziplinak) loturiko ezagutzak eta konpetentziak hobetzeko.
2. Europako Espazio Agentziak (ESA) espazio-ikerkuntzan eta esplorazioan egindako jardueren garrantzia agerian jartzea eta lan horrek gizartean eta ekonomian izan ditzakeen aplikazioak eta eragina azpimarratzea.
3. Irakasleei baliabideak ematea gazteak motibatzeko STEM arloko ikasketak egin ditzaten
4. Irakasleen eguneratze didaktikoa bultzatzea eremu zientifiko eta teknologikoan
5. Ikasgelako hezkuntza-berrikuntza sustatzea.
6. Emakumeen aukera-berdintasuna eta ahalduntzea bultzatzea eremu zientifiko teknologikoan .

EDUKIAK:
1 BLOKEA: Sarrera. Espaziotik ikasgelara. Dokumentazioa banatzea. ESERO Spain eta Europako Espazio Agentziaren Hezkuntza Departamendua (ESA) aurkeztea. Ikastaroaren helburuak aurkeztea.
2 BLOKEA: Gai izango zinateke satelite bat lata batean sartzeko? ISSrako programa bat garatuko dugu? Astro Pi eta CanSat proiektuen oinarriak aurkeztea. Beste zenbait lan-ildo eta proiektu (Moon Challenge, Astroplant).
3 BLOKEA: Ikasgelarako baliabideak eta materialak. Eguzki Sistema eta Unibertsoa: Exoplanetak bilatzea. Lurra eta ingurugiroa: Lurra espaziotik behatzea. Argazki bidezko analisia. Astronautak eta Nazioarteko Espazio Estazioa: Newton in Space (bideoa). – Suziriak eta teknologia-baliabideak. Materialen propietate fisikoak eta nork bere suziria eraikitzea.

Lau praktikak atal teorikoan azalduko badira ere, ikastaroaren parte-hartzaile guztiek materialen ekipoa izango dute praktika bat egin ahal izateko ikasleekin gelan. Materiala aste betean izango dute eskura, eta praktika bukatutakoan erakundera itzuli beharko da, inolako kosterik gabe, ez garraioagatik ezta materiala uzteagatik ere.

PROPOSAMEN DIDAKTIKOAK
1 PRAKTIKA: SPACECRAFT MATERIALS: Gogorra, astuna, erresistentea. Ingeniariak, hasi lanean! Begiratu eta sentitu. Zenbat eta arinagoa…. orduan eta hobea? Konduktibitate elektrikoa eta termikoa. Magnetismoa. Inpaktu-azterketa.
2 PRAKTIKA: UP, UP, UP!: Suziriak eraikitzea eta jaurtitzea. Litekeena da ikasitakoa aplikatzea suziri bat eraikitzeko? Akzio-erreakzioa (Newtonen legeak). Suziri-motak eta propultsio-bideak. Eztabaida eta ondorioak.
3 PRAKTIKA: Exoplanetak bilatzea. Giordano Brunotik CHEOPSera. Nola antzeman exoplanetak? Exoplanetak antzemateko gailua eraikitzea: “Exoplanetak kutxa batean”. LabQuest eta sentsore espezifikoak: erabilera eta ezaugarriak. Datuak biltzea eta analizatzea.
4 PRAKTIKA: Lurra behatzea. Lurra ISStik ikusita. Lurra sateliteen bidez behatzea. EO Browser.

ATAZA: Landutakoa ikasgelan modu praktikoak aplikatzea ikasleekin.

EGUTEGIA: 2019ko otsailaren 20an eta 21ean

ORDUTEGIA: 16.30-20:00

LEKUA: Bizkaiko Industria Ingeniarien Elkargo Ofiziala (Mazarredo 69, Guggenheim Museoaren aurrean)

Erreferentzia:  1870BGNC08
Ikasturtea:  2018-2019
Aholkularitza:  Arloko Aholkulariak
Ildo / Programa: 
Emalea:  Domingo Escutia Muñoz jauna, Europako Espazio Agentziaren ESERO proiektuaren koordinatzaile nazionala.
Mª Carmen Botella Almagro andrea, ESERO proiektuaren hezitzailea.
Nori zuzendua:  -Jardueraren gaiak (zientziak, matematika eta teknologia) lantzen dituzten Lehen eta Bigarren Hezkuntzako irakasleentzat. -Gaian interesa duten Lehen eta Bigarren Hezkuntzako beste zenbait irakaslerentzat.
Hasiera:  Otsaila  20/02/2019
Orduak:  10

Itzuli

© Berritzeguneak Bilbo · Tolosa kalea 6 48002 · Tel: 946569690    Legezko-oharra

Eusko Jaurlaritza · Gobierno Vasco