HEZKIDETZA: INDARKERIAREN PREBENTZIORAKO ETA ESKU-HARTZEKO OINARRIAK

Helburu orokorrak:
I. Euskal Autonomia Erkidegoko hezkuntzaren eremuan, etorkizuneko indarkeria matxisten prebentzioa egitea, haurren eta nerabeen heziketan genero ikuspegia txertatuz.
II. Haurrak eta nerabeak berdintasunean hezteari buruzko sentsibilizazio eta kontzientzia hartze masiboa eragitea, aldaketarako tresna bilakatuz.

Helburu zehatzak:
● Eguneroko bizitzako eta eskola zein eremu-hezitzaileko esparru ezberdinetan sexismoa errekonozitzen, esplizitu egiten eta ondorioak identifikatzen jakin.
● Hezkidetza hezkuntzan, bakarka zein taldean, norberak bere interesetatik abiatuta eta bere inguru hurbiletik sustatzeko ezagutza eta baliabide teoriko-praktikoz jantzi.
● Eskolan eta eremu hezitzaileetan martxan jartzeko hezkidetzan oinarritutako materialak identifikatu edo sortzeko gai izan.
● Ikasleak tratu onean sozializatzeko hezkidetzara bideratutako ekintzak planifikatu, baita ikasgelan eta inguru hezitzaileetan pertsona barruko zein kanpoko harreman ez sexistetan oinarrituriko elkarbizitza eraikitzeko gai izan.

Gaitasunak:
● Eguneroko bizitzarako eta eskolako zein eremu-hezitzaileko alderdi ezberdinetan sexismoa, identifikatzea eta esku-hartzeko gai izatea.
● Genero-indarkeriaren (curriculum-, material-, espazio-, errepresentazio-, hizkuntza- eta interakzioetan ageriko eta ezkutuko indarkeria) identifikazio eta prebentziorako Hezkidetzaren baliabide teoriko-praktikoak aplikatzea.
● Hizkuntza hezkidetzaile eta inklusiboaren erabileraren garrantziaz ohartzea eta praktikan jartzea.
● Eskolarako zein bestelako eremu-hezitzailerako hezkidetzan oinarritutako materialak identifikatu, bilatu eta/edo sortzeko erremintak erabiltzea.
● Curriculum ezkutua identifikatzeko, era eraikitzailean kritikatzeko eta ordezkatu edo zuzentzeko gai izatea.
● Tratu onetan (begirunean, zaintzan, lankidetzan eta erantzunkidetasunean) sozializaziorako hobekuntzajarduera eta ekintza hezkidetzaileak ezagutzea eta erabiltzea.
● Heteronormatibitatea gaindituz, pertsonen aniztasun sexuala eta afektibo-sexuala modu ez hierarkikoan aurkezteko, aniztasun ororen aldeko diskurtsoa normalizatzeko eta pertsona guztientzako espazio seguruak sortzeko estrategiak aplikatzea.
● Ikastaroan egindako bidea jorratzen jarraitzeko, hurbileko inguruan esku-hartze hezkidetzailearen planifikazioa egitea.

Programa eta ebaluazioa

Metodologia:
Ikastaro honek esanguratsua eta partaide bakoitzaren errealitatean eraginkorraizan nahi du hasiera hasieratik, horretarako, teoriatik praktikara eta jarduera praktikoetatik teoriara norabideak sustatuko dituelarik.
Ikastaroaren edukiak progresiboki garatuko dira aste beterako lan plangintzen bitartez. Zortzi asteko ikastaroa, zortzi modulutan banatuko da. Euskarri didaktiko teoriko-praktiko eskainiko dira, astero, eta horien inguruen lanketa burutuko da, modulu bakoitzeko.
Hezkidetza edozein hezkuntza-eremu, ekintza, egoera eta gunean kontuan hartzekoa denez, ondokoak proposatzen zaizkio partaide bakoitzari, bere benetako beharrei erantzun diezaien:
1) Alde batetik, ikastaroan zehar ibilbide propioa egitea, bere benetako beharretan oinarritutakoa. Horretarako astero izango dira bere inguru errealari begiratuko dioten jarduerak, hausnarketa eta aplikazio ariketak.
2) Beste aldetik, ikastaroan zehar gainerako ikaskideekin foro birtualean parte hartzea, berdinen arteko ikaskuntza eta elkarren arteko lana sustatzeko.
Ikastaroak eskaintzen dituen jarduerak praktikoak eta landutako edukietan oinarritutakoak dira. Eskaintzen diren jarduerak hezitzaile baten eguneroko lanarekin lotura zuzena izateko diseinatuta daude. Jarduera hauek ASTERO egingo dira eta astero ebaluatuko dira, 8 astetan zehar: foroan parte hartzea, ataza eta galdetegia.

Programa:
EGITURA
SARRERA “Bidaia hasten”
1 Abiatzen!
HEZKIDETZA
“Betaurrekoak aukeratzen”
2 Betaurrekoen garrantzia.
3 Ikusezinak protagonista bihurtzen.
EMAKUMEEN ERREALITATEA.
“Begirada aldatzen”
4 Indarkeriei aurre egiten.
5 Esaten diren eta ez direnen indarra.
ELKARBIZITZA
“Jokaera eraikitzen”
6 Anitzak garelako aniztasun anitzen alde.
7 Zaindu maite dituzunak (eta ez dituzunak)
AGURRA “Aurrerapausoak finkatzen”
8 Hau hasiera baino ez da izan.

GAI-MULTZO NAGUSIAK

Modulu II eta III: Hezkidetza. “Betaurrekoak aukeratzen”
 Sexu-genero sistema
 Emakumeen aurkako indarkeria
 Feminismoen ekarpenak
 Hezkidetzaren lekua eremu hezitzaileetan
 Inguruan emakumeak bistaratzeko gakoak

Modulu IV eta V: Emakumeen errealitatea. “Begirada aldatzen”
 Indarkeria matxisten identifikazioa
 LGTBIQ+fobiak, lodifobia… identifikatu eta aurre egiteko estrategiak
 Hizkuntza inklusiboa

Modulu VI eta VII: Norbera eta harremanak. “Jokaera eraikitzen”
 Aniztasun sexuala
 Heziketa afektibo-sexuala
 Zaintza
 Elkar ardura eta tratu onak

Ebaluazioa:
Ikastaroa zortzi moduluk eta amaierako lanak osatzen dute. Astero, modulu bakoitzeko, hiru jarduera ebaluatuko dira: foroan parte hartzea (%30), asteko ataza (%40) eta galdetegia (%30). Asteko jarduera hauek azken kalifikazioaren %60ko balioa izango dute.
Gai edo modulu bakoitza hamar aukerako galdetegi batekin ebaluatuko da. Ikasleak aukera zuzena hautatu beharko du. Galdetegia gainditzeko, gutxienez galderen % 80a zuzen erantzun beharko da. Horretarako, hiru aukera izango dituzte ikasleek. Galdetegiak gainditzea derrigorrezkoa izango da amaierako lana aurkeztu ahal izateko, eta, beraz, ikastaroa gainditzeko.
Amaierako lana (azken kalifikazioaren %40): irakasleek hiru ariketa-proposamen urkeztuko dituzte eta horietatik bat aukeratu beharko du ikasleak, aurkeztu eta ikastaroa gainditzeko. Azken ataza horrek, gutxienez, 800 hitz izan beharko ditu, eta
gehienez 1000 (12ko letra tamaina eta 1,5eko lerroartea). Kalifikazio errubrika ikasleei ataza egin baino lehen bidaliko zaie.

Ondorengo betekizun hauek hartuko dira kontuan ebaluatzeko orduan:
1) Erantzunak argudiatzeko, ikastaroan eskainitako eduki teorikoan oinarritzea.
2) Garrantzitsua da eduki teorikoak norberaren gogoetekin eta ideiekin osatzea.
Asteko jardueren eta Amaierako Lanaren behin betiko nota GAI/EZ GAI izango da,
ikaslearentzat. IVAPek ikasle bakoitzaren kalifikazioa 0tik 10era bitarteko zenbaki
batekin jasoko du.

Ikastaroaren balorazioa:
-UPV/EHUren galdetegia
-IVAPen galdetegia

Datak: 2021eko martxoak 15- maiatzak 31.

Materiala: Ikastaroak, moduluka, euskarri didaktikoak, galdetegiak, foroak eta atazak barnebiltzen ditu

Iraupena: 75 ordu, 9 aste

Azpiegitura: UPV/EHUko egelapi plataforma

Matrikula epea: ikasleek izena emateko azken eguna, otsailak 1. Solaskideen oniritziak jasotzeko, otsailaren 2tik 5era.

Lehentasuna: Hezkuntza Saila

Ikasle kopurua: 500

Irakasleak: Urtza Garay Ruiz, Maitane Ortiz de Martioda Martínez de Marigorta, Ane Zurutuza Ugarte, Amaia Chueca Uria