NAGUSIA

Ekintza bilaketa | Emaitzak | Xehetasuna

Ekintza bilaketa. Emaitzak. Xehetasuna

EMAKUMEEN KONTRAKO INDARKERIA: OINARRIZKO IKASTAROA

Helburu orokorrak:
I. Euskal Autonomia Erkidegoko herri administrazioko langileei indarkeria matxisten inguruan oinarrizko formazio eskaintzea, sentsibilizazio eta kontzientzia hartze masiboa sustatzeko.
II. Euskal Autonomia Erkidegoko herri administrazioko langileak indarkeria matxista detektatzen eta biktimak artatzen trebatzea.

Helburu zehatzak:
1) Genero indarkeria gizarte arazo oso larria dela eta emakumeen, adingabeen eta kolektibo ez normatiboen osasunean ondorio larriak dituela ulertaraztea.
2) Indarkeriaren adierazpide guztiak eta hark ukitzen dituen pertsona guztietan zein ondorio dituen ezagutzera ematea, batik bat
biktiman dituenak, eta kide den taldean, erasotzailea kontuan hartuta.
3) Eskura dauden tresna, baliabide, zerbitzu eta laguntza moten ezagutza areagotzea, genero indarkeria prebenitu eta detektatzeko.

Gaitasunak:
1. Genero indarkeriaren jatorri, adierazpide eta ondorioen gaineko oinarrizko ezagutzak eskuratzea.
2. Zuzeneko indarkeria moten ezaugarriak bereizten ikastea, baita esperientzia traumatikoak emakumeen osasunean dituen ondorioetan eragina duten faktoreak ere.
3. Ezagutzen ditugun genero indarkeriako kasuak egoki kudeatzeko tresnak eta trebetasunak eskuratzea.
4. Genero indarkeriari buruzko legeria ezagutzea; zer laguntza eta babes eskaintzen dituen, eta zer zerbitzu eta baliabide dauden eskuragai.

Programa eta ebaluazioa

Metodologia:
Eduki teorikoak bost modulutan egituratuta daude. Gai bakoitza honako elementu hauek osatzen dute:
a) Unitate bakoitzaren eduki teorikoa: Gaia sakon landuta jasotzen duen euskarri teorikoa, hogei eta hogeita hamar orrialde artekoa.
b) Dokumentazioa: Unitate didaktiko bakoitzak dagokion bibliografia izango du. Ikusi-entzunezko materiala ere jasoko da. Modulu bakoitzean beharrezkoak izan litezkeen baliabideak ere erabiliko dira (artikuluak, bideoak, albisteak eta abar).
c) Parte hartzeko foroa: Modulu bakoitzean foro bat irekiko da. Foro horretan artxibo eta dokumentuak partekatu ahalko dira. Ikasleen arteko solasaldiak, kezkak eta hausnarketak partekatzeko tresna izango da.
d) Galdetegia: Ikasitakoa egiaztatzeko, modulu bakoitzaren bukaeran ezagutza galdetegi bat bete beharko dute ikasleek. Galdetegi hori ezinbestean gainditu beharko da, modulu bakoitzean, ikastaroa gainditu ahal izateko.
e) Amaierako lana: Amaierako lan bat egingo da, galdetegiez gain, 400-800 hitz artekoa. Lana bakarkakoa izango da.

Programa:
EGITURA
SARRERA: irakasleen agurra eta azalpena (bideoa eta dokumentua)
MODULU I: BERDINTASUNARI ETA INDARKERIARI BURUZKO OINARRIZKO KONTZEPTUAK
MODULU II: EMAKUMEEN AURKAKO INDARKERIA MATXISTA: DEFINIZIOAK ETA AGERPENAK
MODULU III: GENERO-DESBERDINKERIAREN ETA EMAKUMEEN AURKAKO INDARKERIAREN ERREALITATEA
MODULU IV: EMAKUMEEN AURKAKO INDARKERIA BIKOTE HETEROSEXUALAREN TESTUINGURUAN
MODULU V: EMAKUMEEN AURKAKO INDARKERIA MATXISTARI EMATEN ZION ERANTZUNA GAI MULTZO NAGUSIAK

Modulu I: Berdintasunari eta indarkeriari buruzko oinarrizko kontzeptuak
 Sexua eta generoa
 Estereotipoak
 Patriarkatua
 Genero-diskriminazioa
 Diskriminazio anizkoitza
 Sexu-genero sistema bitarra kuestionatzea

Modulu II: Emakumeen aurkako indarkeria matxista:
definizioak eta agerpenak
 Indarkeria matxistaren egiturak
 Indarkeria matxistaren moduak
 Indarkeria matxistaren eremuak

Modulu III: Genero-desberdinkeriaren eta emakumeen aurkako
indarkeriaren errealitatea
 Autonomia erkidegoko, estatuko, Europako eta nazioarteko datuen azterketa
 Autonomia erkidegoko, estatuko, Europako eta nazioarteko legeak eta arauak

Modulu IV: Emakumeen aurkako indarkeria bikote heterosexualaren testuinguruan
 Indarkeria bikote heterosexualean
 Maitasun erromantikoa
 Nerabe eta gazteen arteko indarkeriazko harremanak
 Emakumeen aurkako indarkeriari buruzko mitoak
 Genero-indarkeriaren biktima diren emakumeen semealabak

Modulu V: Emakumeen aurkako indarkeria matxistari ematen zaion erantzuna
 Ez zaude bakarrik: jazarpeneko eta indarkeria matxistako egoeretan laguntzeko baliabideak
 Nik sinesten dizut: emakumeen aurkako indarkeria guztien aurkako mugimendu feminista globala

Ebaluazioa:
Ikastaroa bost moduluk eta Amaierako Lanak osatzen dute. Gai bakoitza hamar aukerako galdera sorta batekin ebaluatuko da. Ikasleak aukera zuzena hautatu beharko du. Galdera sorta gainditzeko, gutxienez galderen % 80a zuzen erantzun beharko da. Horretarako, hamar aukera izango dituzte ikasleek. Bost galdetegiak gainditzea derrigorrezkoa izango da amaierako lana aurkeztu ahal izateko, eta, beraz, ikastaroa gainditzeko.
Galdetegiek ikastaro azken kalifikazioaren % 50a balio dute. Amaierako lanak azken kalifikazioaren beste % 50a balio du.
Amaierako lana: irakasleek hiru ariketa-proposamen aurkeztuko dituzte eta horietatik bat aukeratu beharko du ikasleak, aurkeztu eta ikastaroa gainditzeko. Azken ataza horrek, gutxienez, 400 hitz izan beharko ditu, eta gehienez 800 (12ko letra tamaina eta 1,5eko
lerroartearekin). Kalifikazio errubrika ikasleei ataza egin baino lehen bidaliko zaie.
Ondorengo betekizun hauek hartuko dira kontuan ebaluatzeko orduan:
1) Erantzunak argudiatzeko, ikastaroan eskainitako eduki teorikoan oinarritzea.
2) Garrantzitsua da eduki teorikoak norberaren gogoetekin eta ideiekin osatzea.
Galdetegien eta Amaierako Lanaren behin betiko nota GAI/EZ GAI izango da ikaslearentzat. IVAPek ikasle bakoitzaren kalifikazioa 0tik 10erako zenbaki batekin jasoko du.

Ikastaroaren balorazioa:
-UPV/EHUren galdetegia
-IVAPen galdetegia

Datak: 2021eko martxoak 15-maiatzak 3.

Materiala: Ikastaroak, moduluka, euskarri didaktikoak, galdetegiak, foroak eta atazak barnebiltzen ditu.

Iraupena: 25 ordu, 5 aste

Azpiegitura: UPV/EHUko egelapi plataforma

Matrikula epea: ikasleek izena emateko azken eguna, otsailak 1. Solaskideen oniritziak jasotzeko, otsailaren 2tik 5era.

Lehentasuna: Osasuna, Gizarte Zerbitzuak, Segurtasuna, Hezkuntza, Justizia.

Ikasle kopurua: 500

Irakasleak: Aitziber Bañuelos Ganuza, Leire Imaz Zubiaur

Erreferentzia:  2070BGNC42
Ikasturtea:  2020-2021
Aholkularitza:  Programa eta Proiektuen Arduradunak
Ildo / Programa:  900. Otras
Emalea:  Aitziber Bañuelos Ganuza, Leire Imaz Zubiaur
Nori zuzendua: 
Hasiera:  Martxoa  15/03/2021
Orduak:  25

Itzuli

© Berritzeguneak Bilbo · Tolosa kalea 6 48002 · Tel: 946569690    Legezko-oharra

Eusko Jaurlaritza · Gobierno Vasco